es | eu

Lizarrako Antzinako Musikaren Astearen 52. edizioak Done Jakue Bidearen esentzia artistikoak berpiztuko ditu

2021ko abuztuaren 31, asteartea

Aurten #GeneraciónSMADE lehiaketa estreinatuko duen programa, larunbat honetatik irailaren 11ra arte  ospatuko da, talentu gazteak eta artista finkatuak uztartuz

Lizarrako Antzinako Musikaren Asteak (SMADE) bere 52. edizioa ospatuko du larunbat honetatik, irailak 4, hurrengo larunbata arte, hilak 11, Erdi Aroko, Errenazimentuko eta Barrokoko hemeretzi errepertorio-proposamen biltzen dituen programarekin, Izarrak Bidean lelopean.

Ignacio Apezteguía, Kultura–Vianako Printzea Erakundeko Zuzendari Nagusia, Regino Etxabe, Lizarrako kultura-zinegotziak, Maria Antonia Rodríguez, Baluarte Fundazioko kudeatzaileak eta Raquel Andueza, SMADEko zuzendari artistikoak 52. edizioaren programa aurkeztu dute gaur goizean Lizarran, Nafarroako Gobernuko Kultura Zuzendaritza Nagusiak eta Baluarte Fundazioak bultzatuta.

Proposamenak Done Jakue bideak mendeetan zehar utzi dituen eragin artistiko eta musikalak nabarmendu nahi ditu. Erdi Aroan, Foru Erkidegoa apostoluaren eremuetara sartzeko atea izan zen Pirinioen beste aldetik etorritako erromesentzat.

Kokagune desberdinak eta beste berri batzuetara hedatzea

Jarduerak aurreko edizioan jada proposamenak jaso zituzten hiriko hainbat kokagunetan egingo dira, hala nola Santa Klara komentuan, San Migel elizan, Los Llanos kultur espazioko lorategietan; baina baita beste batzuetan ere, hala nola Merced auzoan edo Hilobi Santuaren elizan, baita Lizarratik urrun ere: San Migel Arkanjeluaren ermitan (Villatuerta), Iratxeko monasterioan edo Eunateko elizan.

Hedapen horren helburua da, batetik, erromesaldien ibilbideei omenaldi inplizitua egitea, eta, bestetik, jaialdiak erkidegoko ondare materiala inmaterialarekin erlazionatzea.

Horretarako, figura ospetsuak, Nafarroako eta nazioarteko artistak eta promesa gazteak bateratzen dituzten proposamenak diseinatu dira, eta oinezko ibilbide txiki bat, izarren ikustaldi bat eta talentu gazteak erakartzeko programa bat ospatuko dira.

Musika, bideak eta izarrak

Programa irailaren 4an, larunbatean, hasiko da, arratsaldeko bostetan, Iruñeko Katedraleko kanpai-joleek Lizarrako kanpai guztiak jotzen dituztenean. Orduan, Maite Beaumont & Al Ayre Español, Artefactum, María Cristina Kiehr & Ariel Abramovich, Opera Omnia, José Hernández Pastor, Enrike Solinís, Conductus Ensemble eta la Regalada protagonista izango dituen jaialdia hasiko da, eta irailaren 11n itxiko du Nafarroako Orkestra Sinfonikoak.

Erabat musikala den programazioaren osagarri gisa, edizio honen izaera jakobearrari estuki lotutako hiru berrikuntza dakartza. Irailaren 5eko goizean, El Parnasillo, Ensemble Allettamento eta Anacronía taldeek (El Parnasillo, Ensemble Allettamento eta Anacronía) hainbat saio eskainiko dituzte hiru kokagune desberdinetan (San Migel Arkanjeluaren ermita, Hilobi Santuaren eliza eta Iratxeko monasterioa), nahi dutenek batetik bestera ibiltzeko aukera izan dezaten.

Era berean, Donejakue Bidea erreferentziatzat hartzen duen jaialdi batean, izarrei buruzko aipamena ezin zen falta. Irailaren 8ko gauean, Javier Armentia Iruñeko Planetarioko zuzendariak eta Joaquin Sevilla fisikariak zeruko gangari buruzko azalpenak emango dituzte Eunateko Santa Maria inguru iradokitzailean, Edurne Aizpunen harpak zabalduko dituen soinuek bildutako hitzekin.

Jarduera guztiek osasun-egoeraren araberako babes-neurri egokiak beteko dituzte, publikoaren eta artisten segurtasuna uneoro bermatzeko.

#SMADEBelaunaldia eta SMADE soziala

Lehen aldiz, SMADEk, Lizarrako Udalaren laguntzarekin, #SMADEBelaunaldia proiektua gauzatuko du, Europako eremuan antzinako musikatik sortzen ari diren talentuak erakartzeko. Artista gazteen talentua hartuko du jaialdiak, eta euren lana erakutsi eta publikoarekin eta sektore profesionalarekin harremanetan jarriko dira. Talde hauek aukeratu dituzte: Brezza Ensemble; Dúo Montserrat Isanta & Jon Wasserman; Pretérito Imperfecto; Hispana Lyrica; eta Dúo Sempiterno. Saioak irailaren 7 eta 8an emango dira, Fray Diego kulturetxean. Erakusketa finala 9an ospatuko da, osteguna, San Miguel elizan.

Lehiaketan zehar, laguntza-lerroen hartzaileak erabakiko dira (3.000 euro, 2.000 euro eta 1.000 euro). Gainera, #SMADETxaloa saria emango da. Aintzatespen hau publikoak erabakiko du, eta irabazleak gonbidapen automatikoa izango du 2022ko edizioan parte hartzeko.

Gainera, #SMADESoziala programarekin, Asteak kolektibo kalteberei arreta berezia eskainiko die, aurreko edizioan bezala, kulturak gizartearen maila guztietara iritsi behar duela sinetsita.

Horrela, irailaren 6an Artefactum taldeak bere musika eramango du Merced auzora, non Lizarrako Udalak gizarteratze programa batean lan egiten duen. Halaber, Astea atentzioa adineko pertsonetan jarriko du, pandemiarekin hain kaltetua izan den kolektiboa: Jose Hernandez Pastorrek kontzertua eskainiko du irailaren 9an Lizarrako Luz egoitza-zentroan.

Sarrerak

Lizarrako Antzinako Musikaren 52. Astearen (SMADE) sarrerak salgai daude. Baluarte Fundazioaren webgunearen bidez eros daitezke, leihatiletan bertan eta baita kontzertuetako egoitzetan ere, kontzertuak hasi baino ordubete lehenagotik. Abonuek 80 euroko prezioa dute (40 euro gazte txartelarekin) eta kontzertuetarako sarrerek 12 euro balio dute (6 euro gazte txartelarekin). Antolakuntzak online edo txartelarekin erostea gomendatzen du.

Lizarrako Antzinako Musikaren Astearen 52. edizioak Done Jakue Bidearen esentzia artistikoak berpiztuko ditu

Zerrendara itzuli

Bilatzailea

ANTOLATZAILEAK

SMADE - European Day of Early Music
Cultura - Kultura
Nafarroako Gobernua
fundacion_baluarte

LAGUNTZAILEAK

 
Lizarrako Udala
Lizarra Komertzioaren Hiria
 
San Migel Eliza · Santa Clara Eliza

Geure cookie eta bitartekoenak erabiltzen ditugu helburu hauetarako:

Zure ekipoan instalatzen diren cookieak konfiguratzeko, hautatu ala desautatu cookien aukerak, eta, ondoren, sakatu "Gorde hobespenak" botoia.
"Cookie guztiak onartu" botoian klik egitean, onartu cookie guztiak instalatzea.
Halaber, "cookieak errefusatu" botoiaren bidez, ukatu egiten du horien guztien erabilera.
Klikatu hemen gure Cookie Politikari buruzko informazio gehiago lortzeko.