Deialdia ekainaren 30era arte egongo da zabalik, eta interesa duten pertsonek generacionsmade@navarra.es helbide elektronikora bidali ahal izango dituzte eskaerak. Helbide horren bidez parte hartzeko beharrezko informazio guztia ere eskatu ahal izango da. Talde finalistak uztailaren 3a baino lehen iragarriko dira. 

Programa Europar Batasuneko edozein herrialdetako ahots eta/edo instrumentu-taldeei zuzenduta dago, gutxienez bi kide baldin badituzte eta partaideek 35 urte baino gehiago ez badituzte. SMADEko arduradunek jasotako hautagaitza guztien artean gehienez sei talde aukeratuko dituzte, jaialdiaren barruan jarduteko aukera izan dezaten. 

Laguntzen ematea 

Jaialdiarekin duen lankidetzaren barruan, Lizarrako Udalak guztira 6.000 euroko laguntzak emango ditu. Zenbatekoa honela banatuko da: 3.000 euro #RevelaciónSMADE kategorian, 2.000 euro #PromesasSMADE kategorian eta 1.000 euro #TalentoSMADE kategorian. 

Hautatutako taldeek euren proposamenak Fray Diego Kultur Etxean egingo diren bi erakustalditan aurkeztuko dituzte, SMADEren 57. edizioaren programazioaren barruan. Aurtengo edizioa irailaren 5etik 12ra egingo da. Irailaren 9an, asteazkenean, 19:00etan, talde finalistek publikoari irekitako kontzertua eskainiko dute Lizarrako Santa Klara komentuko elizan. Emanaldiaren ondoren, musika arloko hiru aditu eta ospe handiko profesionalek osatutako epaimahaiak interpretazioak ebaluatuko ditu eta laguntzen esleipena erabakiko du. 

Bestalde, bertaratutako publikoak ere protagonismo berezia izango du; izan ere, hark emango du #AplausoSMADE aitortza. Horri esker, talde irabazleak jaialdiaren hurrengo edizioan parte hartu ahal izango du. 

#GeneraciónSMADE 

Gazte talentua sustatzeko #GeneraciónSMADE programak jarraitzen du artista belaunaldi berriak Lizarrako Antzinako Musikaren Astera hurbiltzeko lanean. Funtsezko erakusleiho gisa sendotuta, programak antzinako musikako interprete gazteen lana ikusarazteko espazioa eskaintzen du, publikoarekiko eta sektoreko profesionalekiko harreman zuzena sustatuz.